Niður með hreina orku, við viljum kolaver!

Eru það ekki skilaboð þessarra mótmælenda annars?

Grænu skyri slett í HÍ

Athugasemdir

[Ásgrímur Hartmannsson, 4.3.2009 kl. 13:38]

Kannski vilja þeir brenna mó?

[Guðmundur Ásgeirsson, 4.3.2009 kl. 13:44]

Þetta er vægast sagt furðulegur og óvæginn gjörningur, þó vissulega megi brosa að þessu líka enda er skyr frekar sakleysislegt árásarvopn. En getur verið að þetta sé e.t.v. svokölluð "false flag" aðgerð, sem sé ætlað að sverta ímynd umhverfisverndarsinna á Íslandi? Á meðan enginn "lýsir ódæðinu á hendur sér" eða "setur fram neinar kröfur" þá virkar þetta svona meira eins og skæruliðahernaður. Flest "skæruliðasamtök" eru hinsvegar oftast studd af aðilum sem telja sig eiga sitthvað sökótt við sitjandi stjórnvöld eða valdhafa. Ef við beitum t.d. lógík sumra Sjálfstæðismanna að búsáhaldabyltingin hljóti að hafa verið skipulögð og fjármögnuð af ungliðahreyfingu VG, þá myndi samskonar rökfræsla leiða til þeirrar niðurstöðu að skyrgámarnir hafi verið gerðir út af stóriðjuvæðingarsinnum úr Framsóknar- eða Sjálfstæðisflokki.

Bara pæling...

[Bragi Þór Valsson (IP-tala skráð) 4.3.2009 kl. 15:02]

Bofs - finnst þér virkilega að hægt sé að brosa að svona smábarnaskap? Það á að læsa svona fólk inni.

[Guðmundur Ásgeirsson, 4.3.2009 kl. 15:35]

Þetta er svo skaðlaust, að já, miðað við alla vitleysuna sem er í gangi allsstaðar þá er þetta bara fyndið. Sérstaklega að jakkaföt upplýsingafulltrúans / áróðursmeistarans hafi verið útbíuð í græna sullinu. Bragi, ef þú hefur ekki húmor fyrir því, þá samhryggist ég þér einfaldlega.

[Bragi Þór Valsson (IP-tala skráð) 4.3.2009 kl. 15:45]

Ég veit bara, Bofs, að þú hefðir orðið pirraður að þurfa að leggja út fyrir hreinsun á fötum af því þú varst bara í vinnunni.  Af hverju er skaðlaust að koma og eyðileggja heila kynningu sem eflaust var búið að leggja mikla undirbúningsvinnu í? Hvað hefur eitt einasta fyrirtæki þarna gert til að eiga skilinn svona smábarnaskap? Ég skil vel að einhverjir gætu verið á móti OR og LV en hvað með t.d. Metan-fyrirtækið og Sorpu? Það var víst ráðist alveg jafn mikið á þá.

Ég er sjálfur með smá fyrirlestur á þessum grænu dögum og nemendagreyin eru búin að hringja í mig og vara mig við hvað gæti gerst, því þau hafa núna áhyggjur af því að hvert einasta atriði sem þau skipuleggja verði eyðilagt.

Ég skal senda eitthvað fólk heim til þín í kvöld og t.d. spreyja eitthvað á húsið þitt - sjáum hvort þú hlærð í fyrramálið fyrst þú hefur svona góðan húmor fyrir skemmdarverkum í skjóli "mótmæla" (-: